比分直播500_500万比分直播完整

Shiga masa景颇新闻

Ruyak jamjau nhkun ko nna lot ai lusu nga mai lam woi ningshong

昔日贫困户,节日致富带头人

时间:2020-07-22 16:41:02 来源:德宏团结报

  Mangshi Sanhtai shan ginwang do Chutungko mare lok 4 na Yang Yi Nan go De-ang amyu nu num re, pati hpung masha mung rai nga ai, shi go 5 ning laman e Dumsu rem nna lu su wa ai majo, lu su nga mai ai lam woi ningshong masha byin tai wa sai.

  Sanhtaishan ginwang do ko go bum ga re majo, lai wa sai ten hta Yang Yi Nan nta ni lo madung go kumshu, hkainu, hpalap re ni hkai sha ma ai, nta ko ma ni asak no gaji nna bungli galo lom na masha n nga ai majo, dinghku grai no hpang hkrat nga ma ai, 2014 ning hta Yang Yi Nan nta ni hpe ruyak dinghku jahpan ko shalom ton sai. 2015 ning hta pati hpung masha ni ko nna shawa masha ni hpe lu su nga mai magam mu woi shalat na matu, asuya ni gumhpro gadi 3 shayu dat sai nga nna shana shabra dat ma ai, Yang Yi Nan go madu wa hte jom bong dup yu nna, Dumsu rem ga ngu bong hkut sai hte maren, gumhpro sen 3 sa hkoi la nna Dumsu rem hpang wa sai. 2015 ning shata 10 hta, gumhpro lu hkoi la ai hpang njang hpyinfangmi 367 dam ai Dumsu walong shong galo ton nna, 2016 ning shata 1 hta Simunhta Dumsu 27 wa mari bang ton ma ai. Ginwang do hkaimu akyu htam ginju ni hpaji jo ai gata hta, Dumsu htep lahti rai rem to nga sai. 2017 ning shata 5 hta, Dumsu 24 dut kau yang, gumhpo lap 72000 kap sha ma ai majo, dinghku lu sharai la maga de yong wa sai.

  Yang Yi Nan shanla go lu su wa jang shawa masha ni hpe n malap ma ai, 2016 ning shata 11 hta, ruyak hpang hkrat ai dinghku ni hpe garum la na matu, nta htinggo 10 hpe Dumsu rem ai ko arang bang nna amyat garan jo na matu ginwang do pati asuya de hpyi shon yu yang, htinggo mi hpe gumhpro mun 3 hkoi ya sai hte maren, gumhpro sen 3 Dumsu rem ai ko dat bang sai, gumhpro sen 3 dai hpe masum ning dat bang nna laning mi htinggo mi hpe gumhpro amyat lap 1200 garan jo na hku re, masum ning hpring jang arang gumhpro bai wa ra ai. Ya ten du yang, Dumsu 35 rem ton sai, Dumsu ganu go 10 rem ton ai, Dumsu ni sha na tsing mu 14 mung hkai ton sai. 2015 ning ko nna ya daini du yang, Dumsu 66 dut kau ai gumhpro hte hkyi hpun dut ai gum- hpro yong pong dat yang, gumhpro sen 4.5 lu tam ma ai, gahtong na nga pyo dik ai dinghku byin wa sai. Ya Yi Nan go nta dinghku gata ko lang ra ai hkuhking lu mari jahkum ton sai hta n-ga, modo mung lu sai, hpang de na nga pra masing tsun du jang, Yang Yi Nan shi sok masha hpe tsun dan ai, ya go ra ai hka mung wa ma sai, lahkong ning laman hta, Dumsu htam mi bai rem jat na son nga nngai nga ai.