比分直播500_500万比分直播完整

Shiga masa景颇新闻

Bainam rem shakut nna gabu hpa nsi pru sai

羊翻三倍喜洋洋

时间:2020-07-22 16:39:39 来源:德宏团结报

  Hkung Yen Hpyin go Wangzeshu ginwangdo Wangzeshu mare salang rapdo Tashan gahtong na rai nga u ai, shong de go nta masha marai 4 hkung sinjon nta ko sha rong nga ma ai, hpalap, nbusi, zhau-go hkai, makau hkan mu tam galo rai sha kan bau nga ai hta, madu wa sam bai n kap, bungli n galo lom ai hta n-ga, lu ai ja gum- hpro sha go lang shadom kau rai nga ai. Hkung Yen Hpyin go ding- hku bungli shakut ra re hta, ma lahkong a jong lung gumhpro mung no tam ra re majo, grai puba nga u ai.

  2014 ning hta, Hkung Yen Hpyin nta ni hpe matsan shatong jahpan hta bang lom nna, dum nta gram shangang gumhpro lap 60000 jo, bungli magam sharot la garum, machyi mako yu garum, sharin shapan lam madi shado, hpong shingra ama hkam re hta garum la rai nna, dinghku mung loi nga pyo wa sai. Shi hpe mung mungdo, ginwang, ginwangdo re hkan na hkaimu hte rem lu rem sha hpaji sharin hpung hta sa lom shangun, Bainam 20 mung no mari ra rai sai.

  Kyet shop ai hte hpaji bai sharin shakut kam ai Hkung Yen Hpyin go, hpalap sun gram galo kau, nbu si bai hkai jat rai, 2017 ning hta matsan mying ro kau lu sai. Ya daini, shi a Bainam go 20 ko nna 60 jan du sai, laning mi 10 jan lu dut sha nga ai majo, shang gumhpro masha hkum mi lap 10473 hpra du nna, dinghku mung lani hte lani grau nna ngui pyo nga mai wa lu sai.

  “Pati hte asuya ni ngai hpe garum shingtau la nga ai shaloi, ngai atsom shakut shaja na nngai, Bainam lo lo rem jat nna ma shannau hpe laika hpaji kunggat hkra jong shalung na nngai, lusu nga mai jang she myiman lu ai” Hkung Yen Hpyin go htom hpang de na lam hpe tsun du jang grai gabu nga u ai.